快闪减价!Google Pixel 5 5G 卖价落到四字头,网友支持

2021-06-23 08:56:02

唔知大家有无留意,而家无论係 vivo 定係 ASUS 呢啲手机,佢哋嘅 UI 都开始愈来愈似原生嘅 Android,虽然始终都係无原生 Android 咁乾净,依然係有唔少平时唔多用嘅 App,但至少使用上个感觉会有改观,亲生仔嘅 Google Pixel 系列,或者优势无以前咁明显。当然,每个品牌都会有佢哋嘅死忠,有啲人总係对 Google 亲生仔有个情义结喺度,所以都会继续考虑买 Pixel 手机。最近就有店舖快闪将 Pixel 5 5G 减价,终于落到四字头价位,网友又支唔支持?



Google Pixel 5 5G 虽然规格只係中阶,但卖价一直都企硬卖得好贵,维持咗五千几蚊价位已经有一段长时间。然而唔知係为清货定点,旺角先达就有店舖,将 Pixel 5 5G 快闪减价至 $4850,跌穿五千关口。虽然呢个价钱买 S765G 手机依然係唔平,但起码佢都係 Google 亲生仔,多少都係有光环嘅。

规格部分,Pixel 5 5G 採用了 6 吋 OLED 屏幕,配备了 Qualcomm Snapdragon 765G 处理器,内置 8GB LPDDR4x RAM 以及 128GB ROM,电池容量为 4080mAh,支持 18W 快速充电、Qi 无线充电、反向无线充电等功能。相机部分,Pixel 5 5G 用上了 12.2MP 标準以及 16MP 超广角镜头,前置镜头则为 8MP。




报价查询: 三禾电气

郑重声明:本文版权归原作者所有,转载文章仅为传播更多信息之目的,如作者信息标记有误,请第一时间联系我们修改或删除,多谢。